Публикации » Кам тавçăруллăрах?

26 декабря 2017 г.

ИРТНĔ эрнере Карапай Шăмăршăри вăтам шкулта «Что? Где? Когда?» Атăлçи федераци округĕн интеллектуаллă олимпиадин муниципал тапхăрĕ иртнĕ. Унта районти тĕрлĕ шкулта 8-11 класра вĕренекенсен 12 команди хутшăннă, ăс-тăн, тавçăрулăх енĕпе тупăшнă. Ăс-хакăл вăййинче пуринчен те пултарулли Пăчăрлă Пашьелĕнчи вăтам шкулта вĕренекенсен «Эру- дит» команди çĕнтернĕ. Иккĕмĕш вырăнта Карапай Шăмăршăри вăтам шкулта пĕлỹ пухакансен «Dream team» тата Пăчăрлă Пашьел шкул ачисен «Фортуна» командисем. Виççĕмĕш вырăнта харăсах виçĕ команда: «Альтаир» (Карапай Шăмăршă), «Флешка» (Васан), «КБУ» (Шăмăршă). «Эрудит» ушкăнри вĕренекенсене район чысне республикăра хỹтĕлеме ăнăçу сунатпăр.

Е.ФЕДОРОВА.