11 июля 2015 г.
Ял пурнăçĕ - тĕрлĕ енлĕ, вăраха тăсмасăр татса памалли ыйтусем те пайтах. Шăпах халăх шухăш-кăмăлне тĕплĕнрех пĕлес тесе район администрацийĕн пуçлăхĕ Валерий Фадеев çак кунсенче Чукал ял тăрăхĕнче пурăнакансемпе тĕл пулчĕ. Тĕлпулăва район тата ял Пухăвĕсен депутачĕсем, учрежденисене ертсе пыракансем, фермерсем тата ĕç ветеранĕсем хутшăнчĕç. Тĕлпулура килти хушма хуçалăхсене аталантарас, выльăх апачĕ ытлă-çитлĕ хатĕрлес ыйтусене сỹтсе яврĕç. Вырăс Чукалĕнчи Октябрь урамĕнче çул тăвасси те - вăраха тăсмасăр татса памалли ыйту. Район администрацийĕн пуçлăхĕ ял çыннисен ыйтăвĕсем çине тĕплĕн хуравларĕ. Хăйĕн сăмахĕнче вăл Шăмăршăра ватăсем валли вăхăтлăх пурăнмалли çурта туса пĕтернине те, районта çулсем тăвас ĕç анлăн сарăлнине те асăнмасăр хăвармарĕ. «Выльăх-чĕрлĕх йышлă усрасан ялта та лайăх пурăнма пулать, - палăртрĕ Валерий Петрович. - Уйрăмах ĕне выльăхсен йышне упраса хăвармалла. Сĕт вăл - куллен кĕрекен укçа». Тĕлпулу питĕ усăллă та ĕçлĕ иртрĕ, çынсем кăмăллă юлчĕç.
Г.ЧУГУНОВ,
Чукал ял тăрăхĕн администрацийĕн пуçлăхĕ.