22 июля 2015 г.
Çу кунĕсем иртсе пыраççĕ, часах, ак, тырпула пуçтарса кĕртмелли вăхăт та çитĕ. Районти ял ĕçченĕсен 11476 гектар çинчи тырпула вырса çапмалла, 223 гектар çĕрулми, 420 гектар силослăх куккурус пуçтарса кĕртмелле. Çак цифрăсене район администрацийĕнче иртнĕ канашлура асăнчĕç. Тĕрлĕ формăллă ялхуçалăх предприятийĕсен представителĕсем хутшăннă канашлу ĕçне район администрацийĕн пуçлăхĕ Валерий Фадеев ертсе пычĕ. Вырма ĕçĕсене кăçал 35 комбайн хутшăнмалла. Хальхи вăхăтра пур çĕрте те ялхуçалăх техникине юсаççĕ, складсемпе йĕтемсене йĕркене кĕртеççĕ. Пĕрлех выльăх апачĕ хатĕрлес ĕç те пырать. Хальлĕхе 1850 тонна утă (120%), 2460 тонна сенаж (55,9%) хатĕрленĕ. Район администрацийĕн пуçлăхĕ ялхуçалăх предприятийĕсемпе фермер хуçалăхĕсен ертỹçисене вырмана пур енчен те хатĕрленнипе кĕтсе илме, кăçалхи йывăрлăхсене шута илсе ĕç пахалăхĕшĕн ытларах тăрăшма, кĕрхи акана вăхăтра ирттерме, выльăх апачĕ хатĕрлес ĕçе малалла туса пыма чĕнсе каларĕ.
В.АЛЕКСЕЕВ.