Публикации » Марье аппа - тăхăрвуннăра

18 ноября 2015 г.

- Çулсем шыв пек юхаççĕ... «Çак çула çитнине ĕненес те килмест», - тет Ярăславра пурăнакан М.Алексеева. Мария Павловна пек çынсем - пирĕн истори, халăх кунçулĕ. Çăмăл пулнă теме çук унăн пурнăçне. Сакăр класс пĕтернĕ хыççăн хĕрача Васан шкулĕнче техничкăра ĕçлеме пуçланă. Каярахпа вăл хăйĕн пурнăçне пĕтĕмпех ялхуçалăхĕпе çыхăнтарнă: тăван колхозра кладовщик пулнă, дояркăра тăрăшнă. Пур çĕрте те ĕçченлĕхпе палăрнă М.Алексеева. 1964 çулта вăл Шăмăршăри кирпĕч заводĕнче ĕçлеме пуçланă, унта 1994 çулчченех вăй хунă. Юбиляра ял тăрăхĕн пуçлăхĕ Ю.Ильин саламларĕ, Раççей Президенчĕн В.Путинăн Тав çырăвĕпе тата чечек çыххипе чысларĕ. 

М.ЮМАНОВА.