Публикации » Чи лайăххисене - Кубоксем

10 июня 2016 г.

ÇУЛТАЛĂКРИ ĕç кăтартăвĕсем тăрăх мала тухнă тата кăçалхи çурхи ака-суха ĕçĕсенче уйрăмах хастар вăй хунă ялхуçалăх предприятийĕсемпе хресчен (фермер) хуçалăхĕсене хавхалантарас тĕллевпе район администрацийĕ «Шăмăршă районĕн чи лайăх ялхуçалăх предприятийĕ» тата «Шăмăршă районĕн чи лайăх хресчен (фермер) хуçалăхĕ» ятпа куçса çỹрекен Кубоксем туса хума йышăннă, çак Кубоксем пирки калакан положение çирĕплетнĕ. Çĕнтерỹçĕсене 7 çынран тăракан ятарлă комисси палăртать, комисси председателĕ _ район администрацийĕн пуçлăхĕн çумĕ _ строительство тата ЖКХ пайĕн пуçлăхĕ Владимир Никифоров. Куçса çỹрекен Кубоксемпе çĕнтерỹçĕсене кашни çулах районти Акатуйра чыслаççĕ. Çакна палăртмалла: Ĕç çыннин çулталăкĕнче районта куçса çỹрекен Кубок туса хума «Шăмăршă хыпарĕ» хаçат журналисчĕ Иван Саландаев сĕннĕччĕ. Район администрацийĕ хальхинче те хаçатра çырнине хисеплени чыса тивĕç. Чун-чĕререн тăрăшса ĕçлекенсене халăх умĕнче чыслани _ çав тери ырă та пархатарлă ĕç.