31 мая 2008 г.
ВЫРСАРНИ КУН – майăн 25-мĕшĕнче – Шăмăршăра Раççей Геройне Олег Долгова асăнса дзюдо енĕпе республикăн уçă турнирĕ иртнĕ. Унта çавăн пекех Хусан тата Ульяновск хулисенчи спортсменсем те хутшăннă. Ăмăрту Шăмăршă районĕн çамрăк паттăрĕсен ăсталăхĕ пысăк пулнине тепĕр хут яр-уççăн çирĕплетсе панă.
23 килограма çитичченхи йывăрăшлĕ шкул ачисен хушшинче Руслан Кудряшов, 30 килограма çитиччен – Артем Егоров, 38 килограма çитиччен – Андрей Воробьев, 42 килограма çитиччен – Михаил Борисов, 50 килограма çитиччен – Александр Юнкеров, 55 килограма çитичченхи спортсменсем хушшинче Дмитрий Краснов малти вырăна çĕнсе илнĕ.
Çĕнтерÿçĕсене ăмăрту спонсорĕсем хаклă парнесемпе хавхалантарнă.