00:00 19 октября 2012 г.
Чăваш Республикин тава тивĕçлĕ артистне Сергей Павлова пирĕн районта пурăнакансем те лайăх пĕлеççĕ. Маларах вăл чылай çул Çеçпĕл Мишши ячĕллĕ Чăваш патшалăх çамрăксен театрĕнче ĕçлерĕ, куракансене сахал мар асра юлмалли сăнарсемпе савăнтарчĕ. Хальхи вăхăтра вăл – эстрада юрăçи.
Сергей – пирĕнпе кÿршĕллĕ Елчĕк районĕн чăвашĕ. Çавăнпах пуль артист пирĕн тăрăхра та тăтăш пулать. Нумаях пулмасть кăна-ха вăл "Шăмăршă хыпарĕ" хаçат редакцийĕнче пулчĕ, кунта ĕçлекенсемпе тĕл пулчĕ, хăйĕн çĕнĕ юррисемпе паллаштарчĕ.