Новости » НФЦ пулăшу кÿрет

Кăçалхи сентябрь уйăхĕн 1-мĕшĕ тĕлне Чăваш Республикин территорийĕнче нумай функциллĕ 26 центра (НФЦ) регистрациленĕ, çав шутран 25-шĕ 81 чÿречепе ĕçлет. Çулталăк пуçланнăранпа НФЦ никĕсĕ çинче 139,7 пин пулăшу кÿнĕ, çав шутран 49,8 пинĕ – федераци, 30,2 пинĕ – республика, 18,1 пинĕ – муниципалитет шайĕнчисем. Пĕтĕмпе 16 пин ытла консультаци панă.

Чи анлă сарăлнă пулăшу ĕçĕсем çаксем: куçман пурлăхпа çыхăннă килĕшÿсем тата правасене регистрацилесси (Росреестр пулăшăвĕсем), кăçал ку тĕллевпе республикăри 4915 çын НФЦна çитнĕ. Унсăр пуçне асăннă центрсене федерацин миграци службин управленийĕн (Раççей тата ют çĕр-шыв паспорчĕсене илес тесе заявлени парасси – 9316 ыйту) тата социаллă пулăшусемпе усă курас (6728), çавăн пекех пурăнмалли çурт-йĕр кирлисен черетне тăрас тĕллевпе тăтăшах килеççĕ.

2013 çул вĕçлениччен 26 НФЦра пĕтĕмпе 116 чÿрече ĕçлĕ.

Кăçалхи июль уйăхĕн 1-мĕшĕнчен республикăн муниципалитет районĕсенче пуринче те ял тăрăхĕсенчи 119 библиотекăра 120 чÿрече никĕсĕ çинче «пĕр чÿрече» мелĕпе пулăшу кÿме пуçланă. Хальлĕхе вĕсенче 304 çынна консультаци панă.