Новости » Воспитатель кунне халалласа

Уяв программине уçса, ача сачĕн вăтам тата аслă ушкăнĕсенчи воспитанниксем юрă-ташăпа сăвă-такмак композицине кăтартрĕç. Илемлĕх мелĕсемпе усă курса пĕчĕккисем хăйсен воспитателĕсен йывăр та пархатарлă ĕçĕн пĕлтерĕ-шне уçса пачĕç, вĕренÿпе воспитани занятийĕсене интереслĕ ирттернĕшĕн тав турĕç, уяв ячĕпе ăшă салам сăмахĕсем каларĕç.

Воспитательсене професси уявĕ ячĕпе район администрацийĕн вĕренÿпе çамрăксен политикин пайĕн начальникĕ Н.Игнатьева, педагогсен районти профсоюз организацийĕн председателĕ С.Жилкина тата пĕчĕккисен ашшĕ-амăшĕ ăшшăн саламларĕç, ырлăх-сывлăх, педагог ĕçĕнче малашне те чăтăмлăн ĕçлеме ăнăçу сунчĕç.

А.ЛАРШНИКОВА.