Новости » Уйăхлăх ирттереççĕ

11:13 23 января 2015 г.

Оригинал

ЯНВАРĔН 22-мĕшĕнче районта оборонăпа массăллă тата спорт ĕçĕсен уйăхлăхĕ старт илчĕ. Ăна кăçал Тăван çĕршывăн Аслă вăрçинче чаплă Çĕнтерỹ тунăранпа 70 çул çитнине халалланă. Уйăх тăршшĕпех шкулсенче, библиотекăсенче, спорт учрежденийĕсенче 100 ытла мероприяти иртĕ. Тăван çĕршывăн Аслă вăрçине хутшăннă çынсемпе тата тыл ветеранĕсемпе, интернационалла тивĕçе пурнăçланă ентешсемпе тĕл пулусем йĕркелĕç. Районта "Асăну вахти" те старт илчĕ. Оборонăпа массăллă тата спорт ĕçĕсен уйăхлăхĕнчи мероприятисен планĕпе килĕшỹллĕн, Шăмăршăри вăтам шкулта Паттăрлăх урокĕ иртрĕ. Педагогика ĕçĕн ветеранĕ В.А.Урахова Раççей Геройĕн Олег Долговăн пунăçĕпе тата паттăрлăхĕпе паллаштарчĕ. Олег Долгов пирĕн районти Шамкай ялĕнче çуралнă. Дагестанри Первомайское салинчи заложниксене ирĕке кăларнă чух паттăрсен вилĕмĕпе вилнĕ. Шупашкарти тата Шăмăршăри пĕр урама Раççей Геройĕн ятне панă.

Н.МИЛЮШКИНА.

АУ ЧР «Редакция Шемуршинской районной газеты «Шăмăршă хыпарĕ» ("Шемуршинские вести") Министерства информационной политики и массовых коммуникаций Чувашской Республики