08:43 08 сентября 2015 г.
ЧĂВАШ РЕСПУБЛИКИН Пуçлăхĕн тивĕçĕсене вăхăтлăх пурнăçлакан М.Игнатьевăн Раççей Федерацийĕнчи субъектсен лидерĕсен хушшинчи рейтингĕ ỹссех пырать. Июль-август уйăхĕсенче, пĕтĕмĕшле кăтартусем тăрăх, унăн позицийĕ тата тăватă хутчен ỹснĕ, 21-мĕш вырăнпа танлашнă. Рейтинг кăтартăвĕсене пĕтĕмлетнĕ май Михаил Васильевич çапла шутлать: регион ертỹçин тĕллевĕ Чăваш Ене хывакан инвестицисене ỹстересси.
М.ЗАХАРОВ, ялхуçалăх наукисен кандидачĕ, Шăмăршă ялĕ:
- М.Игнатьев - хресчен чун-чĕриллĕ çын. Çавăн пекех вăл республикăн ялхуçалăхне аталантарас тĕлĕшпе те пысăк ĕçсем тăвать. Инвестицисем тенĕрен, вĕсем пирĕншĕн пĕрре те ытлашши мар. Вĕсем ытларах пулсан, тата лайăхрах пулнă пулĕччĕ.
Н.ТИМОФЕЕВ, Чăваш Республикин тава тивĕçлĕ механизаторĕ, Пуянкасси ялĕ:
- Михаил Васильевич Игнатьев - Раççей субъекчĕсен чи лайăх ертỹçисенчен пĕри. Çакна вăл хăйĕн ĕçĕпе çирĕплетрĕ. Вăл республикăмăра ертсе пыма тытăннăранпа сахал мар ырă улшăнусем пулса иртрĕç - çакă пур сферăра та палăрать. Ỹсĕмсем вара - куçкĕретех. Вĕсем малашне тата пысăкрах пуласса шанса тăратпăр.
АУ ЧР «Редакция Шемуршинской районной газеты «Шăмăршă хыпарĕ» ("Шемуршинские вести") Министерства информационной политики и массовых коммуникаций Чувашской Республики