Новости » Кадет корпусĕнче хĕрачасене вĕрентесшĕн

15:17 08 августа 2017 г.

Паян Чӑваш Ене Раҫҫей Президенчӗн Атӑлҫи тӑрӑхӗнчи полномочиллě представителӗ Михаил Бабич килсе ҫитрӗ. Малтан вӑл Шупашкарти А.В. Кочетов ячӗллӗ кадет корпусӗнче пулчӗ. Унта экскурси иртрӗ.

Кадет шкулӗн директорӗ Татьяна Казакова Совет Cоюзӗн Геройӗн ячӗллě вӗренӳ заведенийӗн кун-ҫулӗпе кӗскен паллаштарчӗ. Михаил Викторовича Андриян Николаев тӗнче уҫлӑхне вӗҫнӗренпе 55 ҫул ҫитнине халалласа хатӗрленӗ А.В. Кочетов кӳлепине (статуэткине) парнелерӗ.

Михаил Бабич кадет корпусӗнче хӗрачасене вӗрентесси пирки те сӑмах пуҫарчӗ. Шкулпа паллашнӑ хыҫҫӑн сумлӑ делегаци ҫӗнӗ кадет корпусӗ ҫӗклеме палӑртнӑ вырӑна ҫул тытрӗҫ.

АУ ЧР «Редакция Шемуршинской районной газеты «Шăмăршă хыпарĕ» ("Шемуршинские вести") Министерства информационной политики и массовых коммуникаций Чувашской Республики

Первоисточник: Газета "Хыпар"