00:00 15 февраля 2010 г.
ШКУЛТА вĕренекенсене професси суйласа илме пулăшас, атте-анне ĕçне тата ял пурнăçне хисеплеме вĕрентес тĕллевпе, «Шăмăршă хыпарĕ» хаçат редакцийĕ 2010 çулта «Ку вăл – санпа манăн çĕр» ятпа конкурс ирттересси çинчен пĕлтерет.
Конкурса ялти профессисене, ял хуçалăхĕнче вăй хуракан çамрăк ĕçченсене халалланă очерк е тĕрленчĕк, сăн ÿкерчĕк е сăвă тăратмалла.
Редакци чи пултаруллă çамрăк авторсене хавхалантарма виçĕ преми хатĕрленĕ:
пĕрремĕш вырăншăн – 400,
иккĕмĕшшĕн – 300,
виççĕмĕш вырăншăн 200 тенкĕлĕх парне кĕтет.
Ал çыру çине «Ку вăл – санпа манăн çĕр» конкурса тесе çырма ан манăр. Материалсене 2010 çулхи октябрĕн 1-мĕшĕччен çак адреспа йышăнатпăр: Шăмăршă ялĕ, Ленин урамĕ, 22 çурт е электронлă адреспа shemur@press.cap.ru ярса парăр.
«Шăмăршă хыпарĕ» хаçат редакцийĕ.