26 июля 2008 г.
РЕСПУБЛИКĂН кăнтăр районĕсенчи журналистсемпе полиграфистсене – Шăмăршă, Патăрьел, Елчĕк, Комсомольски, Канаш, Йĕпреç хаçачĕсенче ĕçлекенсене – тахçанхи туслăх пĕрлештерсе тăрать. Кашни çулах вĕсем пĕрле пуçтарăнса спорт ăмăртăвĕсем ирттереççĕ, юрă-ташăра хăйсен пултарулăхне кăтартаççĕ.
Çак эрнере хăнасене Елчĕкри «Елчĕк ен» хаçат редакцийĕ пуçтарчĕ. Хаçатçăсен спартакиадинче спортăн тĕрлĕ енĕсем пулчĕç: эстафета чупасси, мини-футбол, алă вăйĕ виçесси, дартс, вĕрен туртасси. Çак ăмăртусенче «Шăмăршă хыпарĕ» хаçатра ĕçлекенсем те маттур пулчĕç, парнене тивĕçрĕç.