27 августа 2008 г.
КĔÇНЕРНИ КУН, августăн 21-мĕшĕнче, Шăмăршăри Культура керменĕнче районти педагогсен çĕнĕ вĕренÿ çулĕ умĕнхи конференцийĕ пулса иртрĕ. Унта хутшăннисем «Инноваци вĕрентĕвĕ урлă – тарăн пĕлÿ патне» ыйтупа район администрацийĕн вĕрентÿ, çамрăксен политикин тата культура пайĕн начальникĕ Н.Г.Игнатьева туса панă доклада итлесе сÿтсе яврĕç.
Конференцире Чукалти пĕтĕмĕшле пĕлÿ паракан тĕп шкул директорĕ О.М.Еремеева, Пăчăрлă Пашьелĕнчи пĕтĕмĕшле вăтам пĕлÿ паракан шкулти биологи учителĕ Г.Н.Тимофеева, Палтиелĕнчи пĕтĕмĕшле вăтам пĕлÿ паракан шкул директорĕн çумĕ Д.К.Камалтдинова, Васанти пĕтĕмĕшле вăтам пĕлÿ паракан шкул директорĕн çумĕ О.В.Антонова, педагогика ĕçĕн ветеранĕ Н.Г.Павлов, «Василек» ача сачĕн заведующийĕ Н.Н.Петрова сăмах илчĕç, «Вĕрентÿ» наци проектне пурнăç тĕлĕшпе мĕнле ĕçленипе тата ĕç опычĕпе паллаштарчĕç. Конференци ĕçне район пуçлăхĕ В.П.Фадеев тата чăваш Республикинчи вĕрентÿ, çамрăксен политики министерствин пĕтĕмĕшле пĕлÿ паракан пайĕн начальникĕ М.Н.Федотов хутшăнчĕç, педагогсен ĕçне хакласа тата умра тăракан задачăсене палăртса сăмах каларĕç.