13 сентября 2008 г.
АНАТ ЧАТКАС ял поселенийĕн администрацийĕ тата депутатсем урамсемпе обществăлла вырăнсен тирпейлĕхĕшĕн сахал мар тăрăшаççĕ. Çул хĕррисене, фермăпа техника паркĕн территорийĕсене çулсах тăраççĕ, çуртсен умĕсенче те йĕрке тунă. Графикпа килĕшÿллĕн, кашни ытлари кунах Шăмăршăран мусоровоз килсе çÿп-çапа полигона турттарса каять.
Субботник йĕркелесе, ялти чиркÿ çумĕнчи пĕвене тирпей-илем кĕртнĕ. Кунта тимĕр-бетон пусмасем вырнаçтарнă, çырансене тикĕсленĕ.