27 сентября 2008 г.
РАЙОН пуçлăхĕ В.П.Фадеев кăçалхи сентябрĕн 15-мĕшĕнчен пуçласа октябрĕн 15-мĕшĕччен районта кĕрхи санитарипе экологи уйăхлăхне ирттересси çинчен йышăну кăларнă.
Çак уйăхлăха ялсенче тирпей-илем тăвас, йывăçсемпе тĕмсем лартас, çынсене тăван тавралăха юратма вĕрентес тĕллевпе ирттереççĕ.
Уйăхлăх ирттерме оргкомитет туса хунă, ăна район пуçлăхĕн пĕрремĕш çумĕ В.Н.Никифоров ертсе пырать.
Ял поселенийĕсен пуçлăхĕсен уйăхлăх вăхăтĕнче ялсенче тирпей-илем тума, йывăçсемпе тĕмсем лартма ĕçлеме пултаракан кашни çыннах хутшăнтармалла. Санитарипе экологи уйăхлăхне хăйсен коллективĕсене анлăн хутшăнтарассишĕн предприятисемпе организацисен ертÿçисем те тÿрремĕнех яваплă.