11 октября 2008 г.
«ÇŸП-ÇАПРАН, хамăра кирлĕ мар тĕрлĕ ăпăр-тапăртан тасалсах пыратпăр, - тет «Коммунальник» МУП директорĕ В.К.Воробьев. – Тасамарлăха пухма район центрĕнче те, ялсенче те ятарласах контейнерсем вырнаçтартăмăр. Графикпа килĕшÿллĕн, тулнă контейнерсене Шăмăршăран мусоровоз килсе пушатса каять. Ĕçе çакăн пек йĕркеленипе ял çыннисем питĕ кăмăллă».
Пур япалана та укçа парса илеймĕн, çавăнпа та коммунальщиксем контейнерсене хăйсем патĕнче ăсталаççĕ. Виталий Корнилович каланă тăрăх, пĕр штукĕ 4 пин тенке ларать. Ял поселенийĕсем контейнерсене ытларах туянсан лайăх пулĕччĕ.
Тем пек ырă ĕçĕн те тÿнтерлĕхĕ пур иккен. В.К.Воробьев çынсем контейнерсене хăрăк-туратпа, катăк кирпĕч-чулпа, çĕр улми авăрĕпе, çĕрĕк хăма татăкĕсемпе, тислĕкпе тултарса лартнишĕн пăшăрханать. Мусоровоз çур тоннăран ытла çĕклеймест вĕт-ха, çĕмĕрĕлсе ларас хăрушлăх пур. Машина хакĕ вара пĕчĕк мар – 800 пин тенке яхăн.
Кил хушшинче пухăнакан çÿп-çапа пакетсене хурса çеç контейнера пăрахма сĕнет Виталий Корнилович. Тасамарлăх шĕвĕ пулмалла мар: хĕлле шăнса ларсан, контейнера мĕнле пушатĕç;
Тислĕке вара пахчана тăкмалла. Çак сĕнÿ уйрăмах Шăмăршăри нумай хваттерлĕ çуртсенче пурăнакансене пырса тивет. Выльăх усратăр пулсан, тирпейлĕхшĕн те тăрăшасчĕ.
Ялсенче пулнă май, çÿп-çаппа тĕрлĕ тасамарлăха урама, çул е çырма-çатра хĕррине пăрахнă тĕслĕхсене çав-çавах асăрхатпăр. Ирĕксĕрех паллă юптаруçă икçĕр çул каялла çырни асăма килет: «Миçе хутчен ăнлантарман-ши çынсене;»