15 октября 2008 г.
ĔМĔРĔ тăршшĕпех тăван ялта пурăнать Çĕнĕ Чукалти Ю.П.Губанов. Тыр-пул çитĕнтернĕ, выльăх апачĕ хатĕрленĕ, хастар ĕçпе чыс-хисеп çĕнсе илнĕ.
Çак кунсенче Юрий Петрович 60 çул тултарчĕ. Юбиляра ялти Культура çуртĕнче халăхпа чысларĕç. Хăй тĕллĕн вĕреннĕ артистсем ăна илемлĕ юрăсем парнелерĕç.
Чи пысăк чыс вара – Ю.П.Губанова нумай çул хушши тÿрĕ кăмăлтан тăрăшса ĕçленĕшĕн, общество ĕçне хастар хутшăннăшăн район администрацийĕн Хисеп грамотипе наградăлани. Юбиляр хăйне çапла хисепленĕшĕн чĕререн тав турĕ.