22 октября 2008 г.
ЭПИР, Палтиел шкулĕнчи кадетсем, Чĕмпĕрти Суворов училищине экскурсие çитсе килтĕмĕр. Тăван çĕршыва хÿтĕлекенсемпе – пулас офицерсемпе тĕл пултăмăр. Чĕмпĕр хулипе те паллашма май пулчĕ.
Суворов училищине çитсен пост витĕр тухрăмăр. Унта пире экскурсие ертсе пыракан çын – гид кĕтсе илчĕ. Вăл кунти йĕркепе паллаштарчĕ. Казармăра тĕрлĕ экспонатсемпе, хĕç-пăшалпа, паллă çар çыннисен сăн ÿкерчĕкĕсемпе паллаштарчĕç. Гид вĕренÿ заведенине Чĕмпĕрти икĕ хутчен Хĕрлĕ Ялав орденлĕ тата Хĕрлĕ Çăлтăр орденлĕ Суворов ячĕллĕ Гварди училищи теме хушрĕ. Кунта эпир чăн-чăн суворовецсене, пулас офицерсене, çар техникине куртăмăр.
Пире экскурси питĕ килĕшрĕ. Халĕ пирĕн хушăмăрта та суворовец пулас шухăшлисем пур.