29 октября 2008 г.
ÇАК кунсенче Шăмăршăра сĕтел çинчи теннисла выляса районта мала тухассишĕн ăмăрту иртнĕ, вăл 21-мĕш Спартакиада зачетне кĕрет.
Арçынсемпе каччăсем хушшинче пĕрремĕш вырăна Пăчăрлă Пашьелĕнчи вăтам шкулта 11 класра вĕренекен Дмитрий Мандрюков, иккĕмĕшне – Шăмăршăри вăтам шкулта 10 класра вĕренекен Дмитрий Иванов, виççĕмĕш вырăна социаллă тивĕçтерÿ центрĕн (ЦСОН) директорĕ Андрей Вазанов, хĕрарăмсемпе хĕрсем хушшинче пĕрремĕш вырăна Пăчăрлă Пашьелĕнчи вăтам шкулăн 11 класĕнче вĕренекен Салампи Крикина, иккĕмĕшне – Шăмăршăри вăтам шкулăн 10 класĕнче вĕренекен Кристина Прокопьева, виççĕмĕш вырăна Пăчăрлă Пашьелĕнчи вăтам шкулăн 10 класĕнче вĕренекен Анна Мандрюкова йышăннă.
Шкул ачисем хушшинче Пăчăрлă Пашьелĕнчи вăтам шкулăн пĕрремĕш команди, çитĕннисем хушшинче Шăмăршă ял поселенийĕн команди çĕнтерÿçĕ пулса тăнă.