29 ноября 2008 г.
РАЙОНТИ конкурсра çĕнтерсе, çак кунсенче Шăмăршă вăтам шкулĕн 18 вĕренекенрен тăракан агитбригади (руководителĕсем В.В.Хорьковапа В.П.Кузьмина) зона шайĕнчи конкурса – вăл Канаш хулинче иртрĕ – хутшăнчĕ. Унта пурĕ 6 районпа пĕр хула (Канаш) коллективĕсем ăмăртрĕç.
Çамрăксене сывă пурнăç йĕркисене тĕпе хурса пурăнма чĕнсе калакан Шăмăршăсен тулли содержаниллĕ, художество мелĕсемпе вырăнлă усă курса хатĕрленĕ программине жюри чи лайăххи тесе йышăнчĕ, пĕрремĕш вырăн парса чысларĕ.
Çывăх кунсенче Шăмăршăсем хăйсен программине республикăн финалти конкурсĕнче кăтартаççĕ.