03 декабря 2008 г.
РАЙОНТА пурĕ 1291 инвалид шутланса тăрать, çав шутран вăрçă инваличĕсем – 50-ăн. Чир-чĕре пула инвалида тухнисем – 1141 çын, çав шутран 109-шĕ – пĕрремĕш, 514-шĕ – иккĕмĕш, 518-шĕ – виççĕмĕш ушкăн инваличĕсем. Кунсăр пуçне ачаран инвалид пулса ÿсекенсем – 78-ăн (18 çул таранччен), Чернобыльти аварие пĕтерме хутшăннисем – 3-ĕн, производствăра суранланнисемпе профессилле чир-чĕр илнисем 19-ăн.
Инвалидсене патшалăх кашни уйăхрах пурĕ 5 миллион та 447 пин тенкĕ пенси тата хушма укçа-тенкĕ тÿлесе тăрать. Уйрăммăн илсен, хушма укçа-тенкĕ тÿлевĕсен (эмел тата çул-йĕр тăкакĕсене саплаштарма) сумми 1 миллион та 428 пин тенкĕпе танлашать.
Пенси укçипе хушма тÿлевсене патшалăх тимлĕхре тытать. Кăçал пенси укçин сумми апрельте тата августра, хушма укçа-тенкĕ тÿлевĕсен (ЕДВ) сумми апрельте тата июльте ÿсрĕ. Асăннă суммăсене патшалăх килес çул та 2 ăстрăмран кая мар ÿстерме палăртнă.