13 января 2009 г.
ÇАК кунсенче Васанти вăтам шкулăн спорт залĕнче ирĕклĕ майпа кĕрешсе ял поселенийĕн пуçлăхĕн парнисене çĕнсе илессишĕн ăмăрту иртнĕ. Çак мероприятие Раççейри Çамрăксен çулне халалланă.
Ăмăртăва хутшăнакансене Васан ял поселенийĕн пуçлăхĕ С.В.Ястребов, ялти вăтам шкул директорĕ А.В.Ларионов тата ирĕклĕ майпа кĕрешес енĕпе спорт мастерĕн кандидачĕ В.А.Антонов ăшшăн саламланă, çитĕнÿсем суннă.
Çивĕч кĕрешÿре 55 килограма çитичченхи виçере Максим Антонов, 42 килограма çитичченхи виçере Дмитрий Краснов, 36 килограма çитиченхи виçере Павел Бакланов, 32 килограма çитичченхи виçере Сергей Самарин çĕнтерÿçĕ пулса тăнă. Паттăра юлнисене Грамотăсемпе, медальсемпе тата парнесемпе чысланă.