17 января 2009 г.
ЧĂВАШ Республикинчи шалти ĕçсен министерстви кашни çулах республика, район тата хула хаçачĕсем хушшинче правăпа саккунлăх ыйтăвĕсене чи лайăх çутатакан хаçата палăртас тĕлĕшпе конкурс ирттерет.
2008 çулхи конкурс кăтартăвĕсене пĕтĕмлетсе, конкурс комиссийĕ «Шăмăршă хыпарĕ» хаçата лауреат тесе йышăннă. Çавăн пекех И.А.Медведев журналист та Диплом тата укçан преми илме тивĕçнĕ. Çĕнтерÿçĕсене çитес эрнере, Чăваш пичечĕн кунне уявланă чухне чыслĕç.