17 января 2009 г.
ÇАК кунсенче Ульяновск облаçĕнчи Дмитровоград хулинче 1996-1998 çулсенче çуралнă çамрăксем хушшинче дзюдо енĕпе уçă ăмăрту иртнĕ, унта Ульяновск, Самар облаçĕсемпе Тутарстанăн çамрăк спортсменĕсем хутшăннă. Чăваш Республикин чысне Шăмăршăри ачасемпе çамрăксен спорт шкулĕн воспитанникĕсем (тренерĕ – А.В.Филиппов) хÿтĕленĕ.
Çивĕч кĕрешÿре 50 килограма çитичченхи виçере Кирилл Гришняков – пĕрремĕш, 34 килограма çитичченхи виçере Иван Филиппов виççĕмĕш вырăн йышăннă. Çĕнтерÿçĕсене медальпе, Дипломпа тата хаклă парнепе чысланă.