17 января 2009 г.
Чăваш Республикин Президенчĕн Хушăвĕпе килĕшÿллĕн, республикăри çамрăксен пысăк йышне ĕçри, творчествăри тата вĕренÿри пысăк ÿсĕмсемшĕн уйăхсерен Президент стипендине пама йышăннă. Пирĕн районтан кăçал ку стипендие çаксем илсе тăрĕç:
Алексей АНДРОНОВ – Пуянкасси ял поселенийĕ çумĕнчи çамрăксемпе ĕçлекен канаш председателĕн çумĕ.
Анастасия ЕРЕМЕЕВА – Чукалти пĕтĕмĕшле пĕлÿ паракан тĕп шкулти ачасен «СоМис» обществăлла организаци президенчĕ.
Кирилл КУДРЯВЦЕВ – Шăмăршăри вăтам шкулта вĕренекен.
Игорь КУЗНЕЦОВ – «Колос» Агрофирма» ЗАО водителĕ.
Ольга КАРЗАНОВА – Кивĕ Чукалти Культура çурчĕ çумĕнчи «Асамат» хореографи коллективĕн ертÿçи.
Александра ЛУКЬЯНОВА – Чукал ял поселенийĕ çумĕнчи çамрăксемпе ĕçлекен канаш членĕ.
Александр ЮНКЕРОВ – Шăмăршăри вăтам шкулта вĕренекен.
Çÿлте асăннă çамрăксем 2009 çулта уйăхсерен 1830-шар тенкĕ илсе тăрĕç.