17 января 2009 г.
ПĔЛТĔР октябрь уйăхĕнче 1-мĕш класра вĕренекенсем – пурĕ 16 ача – хапăл тусах «Тетте» журнал çырăнса илчĕç. Çĕнĕ çул умĕн вара шкула савăнăçлă хыпарĕ çитрĕ: журнал редакцийĕн конкурсĕн условийĕсемпе килĕшÿллĕн пĕрремĕшсем сумлă приза – Шупашкарти пуканесен театрĕнче юмах-спектакль курма тÿлевсĕр билетсене тивĕçнĕ-мĕн.
Хĕллехи каникул вăхăтĕнче пĕрремĕшсем, хăйсен учительници В.В.Медведева ертсе пынипе, шкул автобусĕпе Шупашкаралла çул тытрĕç. Унта вĕсем Пуканесен театрĕнче «Сказка о мертвой царевне и семи богатырях» юмах-спектакль курчĕç. Кун хыççăн вара артистсем кăтартнă «Çитрĕ Çĕнĕ çул» театрализаци представленийĕпе паллашрĕç.
Çак мероприятипе ачсем питĕ кăмăллă юлчĕç.