21 января 2009 г.
ЧАКМАН, пĕтмен-ха шăмăршăсен мехелĕ: Бараевпа Илпек, Лашман хывнă литература тĕнчине халĕ çамрăксем те çул хываççĕ. Юлашки çулсенче çеç районти темиçе çын çыравçăсен пĕрлĕхĕн членĕсем пулса тăчĕç.
Çĕнĕ çул çĕнĕ хыпарпа савăнтарать теççĕ. Каллех ентешсем пирки ырă сăмах калас килет. Нумаях пулмасть кăна-ха Чăваш Республикин наци библиотекинче поэзи турнирĕ иртнĕ. Унта çамрăк сăвăçсем çырас, асамлă йĕркесем хайлас пултарулăхĕнче вăй виçнĕ, ку тĕлĕшпе ятарлă турнир иртнĕ. Унта «Поэзи королĕ» номинаци те пулнă. Конкурсра кам çĕнтернĕ тетĕр; Каллех – пирĕн ентеш, Пуянкасси йĕкĕчĕ Валерий Петров!
«Поэзи королĕ» район хаçатĕнче те тăтăшах пичетленет. Ун сăввисене вулакансем яланах ырласа йышăнаççĕ. Поэзие юратакансем çывăх вăхăтрах унăн пĕрремĕш кĕнекине курасса та шанаççĕ.