04 февраля 2009 г.
ЯЛ поселенийĕсенче, учрежденисенче тата предприятисенче çамрăксемпе ĕçлессине лайăхлатас тĕлĕшпе ирттернĕ районти конкурс кăтартăвĕсене пĕтĕмлетнĕ.
Комисси «Ял поселенийĕсенчи çамрăксемпе ĕçлекен чи лайăх совет» номинацире Анат Чаткас ял поселенийĕ çумĕнчи совета пĕрремĕш вырăн тата укçан 7 пин тенкĕ преми пама йышăннă.
Иккĕмĕшпе виççĕмĕш вырăнсенче – Васан (преми – 5 пин тенкĕ) тата Карапай Шăмăршă (3 пин тенкĕ) ял поселенийĕсем çумĕнчи советсем.
«Учрежденири, организацири, предприятири çамрăксемпе ĕçлекен чи лайăх совет» номинацире пĕрремĕш вырăна никама та паман. Иккĕмĕшпе виççĕмĕш вырăнсенче – Шăмăршăри вăтам шкулти çамрăк специалистсен совечĕпе (3 пин тенкĕ) Шăмăршăри тĕп больницăри профсоюз комитечĕ (2 пин тенкĕ).
Призерсене пурне те район администрацийĕн Хисеп грамотипе наградăланă.