04 февраля 2009 г.
ПИРĔН шкулта физкультурăпа спорт вăй илсех, аталансах пыраççĕ. Тĕрлĕрен ăмăртусемпе вăйăсене, эстафетăсене те тăтăшах йĕркелеме тăрăшатпăр. Сывлăх кунне ирттересси те кунта тахçанах çирĕп йăлăна кĕнĕ.
Нумаях пулмасть шкулта хăй вăхăтĕнче кунта вĕреннĕ Андрей Петрович Куликов пулчĕ. Пушă алăпа килмен «Тав» суту-илÿ компанийĕн Шăмăршăри уйрăмĕн ертÿçи: асăннă пĕрлешÿ йĕркеленнĕренпе 15 çул çитнĕ ятпа вăл шкулти чи хастар икĕ спортсмена – Анатолий Савельевпа Полина Егорована – хаклă парнесем парса чысларĕ, спортра тата пысăкрах çитĕнÿсем тума ăнăçу сунчĕ.