21 февраля 2009 г.
– КИЛ картинче, витере выльăх-чĕрлĕх пулманни ялта пурăнаканшăн вырăнлах мар пек туйăнать манăн шухăшăмпа, - тет Асанкассинчи Л.Инголов.
Лев Митрофанович темиçе çул каярах «Пакша» хресчен (фермер) хуçалăхĕ йĕркелесе ячĕ. Мăйракаллă шултра выльăхсем ĕрчетес тĕлĕшпе ĕçлет вăл. Хальхи вăхăтра фермер сăвăнакан виçĕ ĕне, пăрусем – пурĕ çирĕм пуçа яхăн выльăх тытать. Хăйĕн тракторĕ те пур. Çавăнпа утă-улăмне те хĕл валли çителĕклĕ таран янтăласа хурать. Фураж тĕлĕшпе те пысăк чăрмавсемех çук.
Пăчăрлă Пашьелĕнчи В.Долгов та çак енĕпех ĕçлет, вăл та – фермер. Çамрăк пăрусем ÿстерсе сутни çемье бюджетне самаях пуянлатма май панине лайăх ăнланса илнĕ вăл. Унăн хуçалăхĕнче пăрусен йышĕ вăтăр-хĕрĕх пуçран чакмасть.