07 марта 2009 г.
ПĔТĔМ тĕнчери Хĕрарăмсен кунĕ умĕн район администрацийĕ ялсенчи вăл е ку отрасльте чылай çул тÿрĕ кăмăлпа ĕçлесе ял-йыш хисепне çĕнсе илнĕ хĕрарăмсене районти Мăшăрлану керменне йыхравларĕ, ятран асăнса чысларĕ. Çак йышра Карапай Шăмăршăри Е.В.Денисова, Шăмăршăри Н.Н.Юманова, Васанти Д.Г.Якушова, Пуянкассинчи Н.П.Федотова, Кивĕ Чукалти В.Н.Чурбановапа Н.Н.Лубошнова, Вырăс Чукалĕнчи Н.В.Устимова, Анат Чаткасри Н.Н.Воробьева, Патирекри Р.Н.Каленова, Асанкассинчи Е.П.Ишмуллина тата Виçпÿрт Шăмăршăри Е.И.Муравьева пулчĕç.
Район администрацийĕн ĕçĕсен управляющийĕ Л.Портнова ачасен амăшĕсене Хĕрарăмсен уявĕ ячĕпе ăшшăн саламланă, кашнинех хитре чечексемпе чысланă хыççăн Л.Владимировапа М.Ефимова хĕрарăмсен кун-çулĕпе паллаштарчĕç. Парнесем, юрăсен саламĕсем те хĕрарăмсене савăнтарчĕç.