18 марта 2009 г.
ПАЛТИЕЛĔНЧИ Культура çуртĕнче тĕрлĕ мероприятисем час-часах иртеççĕ. Акă, çак кунсенче Культура çурчĕн заведующийĕ Т.Долгова тăрăшнипе концерт пулчĕ. Çак кун мероприятие халăх йышлă килчĕ.
Программăна уçса, К.Долговапа А.Кузьмина «С чего начинается Родина;» юрра дуэтпа хитрен шăрантарчĕç. Яланхи пекех, тулли зал Татьянăпа Николай Долговсем, Альбина Козловапа Елена Матвеева дуэтпа юрланă патриотла юрăсене те ăшшăн йышăнчĕ.
Пĕччен юрлакан солистсем те программăна илем кÿчĕç. В.Долгов «Я пою о двадцати», Кивĕ Чукалтан хăнана килнĕ О.Малеева хăй çырнă «Çыру çыр мана, савниçĕм» юрăсемпе савăнтарчĕç. Г.Сейфутдинова, Л.Еремеева, И.Идрисов вара тутар юррисене юрласа пачĕç. М.Чиндарева, Л.Габитовапа О.Малеева (трио) хальхи эстрада юрăçисен репертуарĕнчи юрăсемпе паллаштарчĕç.
Вырăнти вăтам шкулти кадетсем (7 класс) патриотика темипе çыхăннă литературăпа музыка композицийĕ кăтартрĕç.
Концерт программине Т.Долгова заведующи хăех ертсе пычĕ. Хăйсем тĕллĕн вĕреннĕ артистсене ял-йыш чĕререн тав турĕ.