18 марта 2009 г.
И. ТОКМАКОВА – Раççейри паллă поэтесса, прозаик тата куçаруçă. Талантлă çыравçă çуралнăранпа çак кунсенче 80 çул çитрĕ. Çак тапхăрта Ирина Петровнăн сăввисене, калавĕсене, повеçĕсене, пьесисене темиçе ăру вуласа ÿснĕ. Поэтессăн сăввисем вулакана сăмахсен витĕмлĕхĕпе, ÿкерчĕксен илемĕпе илĕртеççĕ. Проза произведенийĕсем чĕлхе хитрелĕхĕпе, сюжет çивĕчлĕхĕпе, вырăнлă танлаштарусемпе тыткăнлаççĕ.
Писательница юбилейĕ тĕлне Карапай Шăмăршă ял поселенийĕн библиотекинче кĕнеке выставки йĕркеленĕ. Унта А.Алексеева заведующи И.Токмакован сăввисемпе проза произведенийĕсен кĕнекисене, ун пирки çырнă материалсене вырнаçтарнă.
А.Алексеева шкулта вĕренекенсене выставкăри кĕнекесемпе паллаштарчĕ, çыравçăн биографийĕпе творчестви çинчен каласа пачĕ. Кунсăр пуçне поэтессăн хăшпĕр сăввисемпе проза сыпăкĕсене те вуларĕ.