25 марта 2009 г.
МАРТĂН 19-мĕшĕнче Чăваш Республикин Президенчĕн Кубокне çĕнсе илессишĕн шкул ачисен Спартакиадин шутне кĕрекен самбо енĕпе республикăри ăмăрту пулса иртрĕ. Унта, шăмăршăсемсĕр пуçне, Тăвай, Канаш, Йĕпреç, Комсомольски, Елчĕк, Патăрьел районĕсен тата Канаш хулин командисем хутшăнчĕç. Хĕрÿ кĕрешÿре кил хуçисен команди пĕрремĕш вырăн йышăнчĕ. Çак çитĕнÿре Шăмăршă шкулĕнчи А.Локтинăн, Р.Алексеевăн, В.Барышевăн, А.Юнкеровăн, Д.Красновăн, Е.Кузьминăн, А.Петровăн, Кивĕ Чукал шкулĕнчи В.Ильинăн, А.Малеевăн, А.Карзановăн тÿпи уйрăмах пысăк. Пирĕн район командине апрелĕн 9-мĕшĕнче Шупашкарта иртекен республика финалĕнче те çĕнтерÿ çеç сунас килет.