01 апреля 2009 г.
КРИЗИС тапхăрĕнче ĕçсĕр тăрса юлас хăрушлăх пысăк пулин те, ĕçе чĕнекен предприятисемпе организацисем те пур-ха. Акă, хамăр районти «Мир» ЗАОна тĕп зоотехник (уйăхри шалăвĕ – 5200 тенкĕ), тĕп бухгалтер (5300), тĕп агроном (5200), «Шанс» ОООна икĕ водитель (4000), тĕп агроном (5500), ĕнесене машинăпа сăвакан оператор (4500), выльăх-чĕрлĕх пăхакан (3500), виçĕ механизатор (ĕçленĕ тăрăх, сдельно), «Нива» ЗАОна ветврач (5500), тĕп агроном (5000), тĕп зоотехник (5000), «Исток» ОООна виçĕ тракторист (5500), виçĕ выльăх-чĕрлĕх пăхакан (4500), икĕ водитель (6000) кирлĕ.
Шăмăршăри ĕçпе тивĕçтерекен центр директорĕ С.Кузьмин каланă тăрăх, ĕçе вырнаçас текенсен пурăнмалли вырăн хăйсен шырама тивет.