15 апреля 2009 г.
ШУПАШКАРТА дзюдо мелĕпе кĕрешекенсем апрелĕн 3-мĕшĕнче Чăваш Республикинче мала тухассишĕн ăмăртрĕç. Вăл вĕренекенсен республикăри Спартакиадин шучĕпе иртрĕ.
Хĕрÿ ăмăртусенче Шăмăршă тата Кивĕ Чукал шкулĕсенче вĕренекенсен команди Чăваш Енри хуласемпе районсен 28 команди хушшинче хисеплĕ пиллĕкмĕш вырăн çĕнсе илчĕ. Хăйĕн виçинче пуринчен те ытларах очко пухса Шăмăршă вăтам шкулĕнче вĕренекен Александр Юнкеров республика Спартакиадин чемпионĕ пулса тăчĕ. Çак шкулти Евгений Кузьмин иккĕмĕш вырăн йышăнчĕ.
Апрелĕн 9-мĕшĕнче вара вĕренекенсен республикăри Спартакиади шучĕпе пыракан самбистсен ăмăртăвĕн финалĕ иртрĕ. Финалта иртнĕ çулти Спартакиадăра 1-4 вырăнсем йышăннă 8 команда вăй виçрĕ. Шăмăршă тата Кивĕ Чукал шкулĕсенче вĕренекенсен команди улттăмĕш вырăна тухрĕ.