15 апреля 2009 г.
ЧĂВАШ Республикин çар комиссариачĕн планĕпе килĕшÿллĕн, Патăрьелпе Шăмăршă районĕсенчен çурхи призыв тапхăрĕнче пурĕ 180 çамрăка çар службине яма палăртнă.
Шăмăршă районне уйрăммăн илсен, 65 призывника салтака ăсатмалла. Хальлĕхе 48 каччă районти çарпа медицина комиссийĕ витĕр тухнă ĕнтĕ. Службăна яма палăртнă призывниксенчен 8-шĕ аслă пĕлÿ илнĕ. 24 çамрăк водителе вĕреннĕ.
– Çурхи призыв тапхăрĕнче службăна каймалли çамрăксене Патăрьелпе Шăмăршă районĕсен çар комиссариачĕн хушăвĕсене çирĕп пурнăçласа пыма, палăртнă мероприятисене вăхăтра килме ыйтатпăр, - терĕ çар комиссариачĕн иккĕмĕш уйрăмĕн начальникĕ В.Фадеев капитан. – Вĕсен службăра 1 çул тăмалла пулать.