Публикации » Макаровсен ĕç стажĕ – 254 çул

29 апреля 2009 г.

ШĂМĂРШĂ районĕнче «Ĕç династийĕсем» республика слетне хутшăнма Макаровсен – ял хуçалăх ĕçченĕсен çемйине – суйланă. Вĕсен пĕтĕмĕшле ĕç стажĕ 254 çулпа танлашать. Династие пуçараканĕ Кахăрлă Шăхаль ялĕнче пурăннă Василий Иванович «Заря» колхозра 10 çул вăй хунă. Шел, пурнăçран ир уйрăлнă. Ачисене мăшăрĕ Екатерина Степановна ура çине тăратнă. Династи пуçлăхĕ Николай Макаров «Правда» колхозра бригадирта, председательте, ял Совечĕн пуçлăхĕнче ĕçленĕ. Вĕсем мăшăрĕпе Лидия Георгиевнăпа 6 ача пăхса ÿстернĕ. Çемье йăли-йĕркине малалла тăсса Макаровсен ачисем 1999 çулта «Карла» хресчен-фермер хуçалăхĕ йĕркеленĕ. Хуçалăх ертÿçи – Геннадий Макаров.