08 мая 2009 г.
ЮН КУН Виçпÿрт Шăмăршă ялĕнче хамăрăн паллă ентеше, СССР халăх артистне В.Н.Яковлева чысласа, парк лартса хăварнă. Çак ырă пуçарăва Валерий Николаевич хăй тунă, унăн шухăшне район пуçлăхĕ В.П.Фадеев ырласа йышăннă.
Парка В.Н.Яковлев çуралнăранпа 70 çул тултарнине халалласа лартнă, çавăн пекех унăн фронтра вилнĕ ашшĕ те 100 çул тултарнă пулĕччĕ.
Парк лартнă çĕре В.Н.Яковлев, район пуçлăхĕ В.П.Фадеев, ял-йыш тата учительсемпе шкул ачисем хутшăннă. Чăн малтанхи йывăçа Валерий Петровичпа Валерий Николаевич хăйсем лартнă.Хальлĕхе кунта тĕрлĕ йышши (хыр, çăка, юман, пилеш) 400 тĕп ытла йывăç лартнă. Парк территорине ялти шкулта вĕренекенсем пăхса тăрĕç, çамрăк йывăçсене упраса ÿстерĕç.