13 мая 2009 г.
2010 çулта ирттерме палăртнă Пĕтĕм Раççейри халăх çыравне хатĕрленес ĕç Шăмăршă районĕнче анлă пырать. Анат Чаткас, Пуянкасси, Карапай Шăмăршă, Чукал ял поселенийĕсенче урам ячĕсемпе çурт номерĕсене çĕнĕрен çырса çапнă. Çак ĕç ытти ял поселенийĕсенче те вĕçленсе пырать. Адрес хуçалăхне çĕнетме 164,7 пин тенкĕ уйăрнă.
Çырав ирттермелли списока 5909 çурт-хуçалăха кĕртнĕ, хальхи вăхăтра вĕсенче 15486 çын пурăнать. Районта 2 çырав участокĕ, 8 инструктор участокĕ, 32 шутлав участокĕ ĕçлĕ.
Çырав пĕлтерĕшĕ çинчен халăха ăнлантарса пама 24 стенд йĕркеленĕ.