13 мая 2009 г.
АПРЕЛĔН 22-мĕшĕнче, Пĕтĕм тĕнчери Çĕр кунĕнче, «Чăваш энергосбыт компанийĕ» АУО («РусГидро» АУО ДЗО) электричество энергийĕн 2008 çулхи чи лайăх 150 потребитель ячĕпе тав çырăвĕсем янă. Çак çырусем – хăйне евĕр «пахалăх сертификачĕсем», энергетиксемпе потребительсем пĕр-пĕрне хисепленин, тав тунин паллисем.
«Ылтăн тĕрев» конкурс комиссийĕ электричество энергийĕн 2008 çулхи чи лайăх потребителĕсене кăçалхи пĕрремĕш кварталти тÿлев вăхăчĕсене пăхăннине шута илсе палăртнă. Çĕнтерÿçĕсем хушшинче шăмăршăсем те пур. Сăмахран, тĕрлĕрен номинацисенче районти тĕп больница (тĕп врачĕ О.И. Львов), Л.В.Корчаков предпринимателĕн арман комплексĕ çĕнтерÿçĕсен шутне кĕнĕ.