16 мая 2009 г.
КĔÇНЕРНИ КУН ирпе тахçантанпах кĕтнĕ ăшă çумăр шăпăртатрĕ, çĕр-анне кăкăрне шăварчĕ.
«Мир» ЗАО çумăрччен 500 гектар тулăпа 500 гектар урпа акса хăварнăччĕ. Палтиел хирĕсенче ĕç вĕçленнĕ хыççăн кÿршĕллĕ патирексене пулăшма васкарĕç.
Акара пысăк опытлă механизатор М.Фахрутдинов пурне те ырă тĕслĕх кăтартать. Ултă метр сарлакăшне илекен çĕнĕ сеялкăпа вăл мĕн пур хире акрĕ. Çĕр хатĕрленĕ çĕрте Д.Ибрагимов, акнă лаптăксене пусарăнтарнă çĕрте Г.Хафизов механизаторсем хастар.
Хуçалăхра 30 гектар çĕр улми лартма палăртнă. Паян-ыран çак ĕçе пуçăнаççĕ.