03 июня 2009 г.
ЯРĂСЛАВРИ библиотека çумĕнче йĕркеленĕ ирçесен «Умарина» фольклор ушкăнĕ вун тăххăр тултарса çирĕме пусрĕ.
Хальхи вăхăтра фольклор ушкăнне вун икĕ çын çÿрет. Чи асли – Валентина Владимировна Кузнецова – сакăр вун иккĕре. Любовь Осипова, Валентина Русская, Клавдия Ильина, Марина Яковлева, Валентина Яковлева, Алина Куропаткина, Любовь Розова, Михаил Баскаков тата ыттисем репетицисене пĕр сиктермесĕр çÿреççĕ.
«Умарина» ирçе халăхĕн республикăри фольклор уявĕсене те, районти Акатуя та çулленех хутшăнать, Пĕтĕм Раççейри «Атăлçи çăлкуçĕсем» фестивальте те хăйĕн пултарулăхĕпе савăнтарнă. «Умаринăна» Чăваш телевиденийĕ те ÿкерсе илнĕ.