03 июня 2009 г.
«ÇИТЕС çул патшалăх сĕтĕн килограмне 20 тенкĕпе туянма пуçлать, ĕнен пасарти хакĕ 50 пинрен кая пулмĕ. Çавăнпа та ĕнесен йышне упраса хăвармалла çеç мар, ÿстерме тăрăшмалла», - палăртнă Чăваш Республикин ял хуçалăх министрĕ М.Игнатьев çак кунсенче республикăри муниципаллă йĕркеленÿсен пуçлăхĕсен Çĕрпÿре иртнĕ канашлăвĕнче.
Паянхи кун сĕт хакĕ йÿнĕ пулни – вăхăтлăха кăна, правительство ку тĕлĕшпе васкавлă мерăсем йышăнать. Ял хуçалăх министрĕн сăмахне ĕненмесĕр тăма май çук. Апла пулсан, ĕне усрама пăрахмалла мар, выльăх тытсан укçа-тенкĕ те ĕçлесе тăвăпăр.