10 июня 2009 г.
«Акатуй – 2009»оргкомитечĕ районти ялсене тирпей-илем кĕртес тĕлĕшпе ирттернĕ конкурс кăтартăвĕсене пĕтĕмлетнĕ. «Чи лайăх ял поселенийĕ» ята Анат Чаткас ял поселенине пама йышăннă. Иккĕмĕшпе виççĕмĕш вырăнта – Пăчăрлă Пашьел тата Кивĕ Чукал ял поселенийĕсем.
«Чи илемлĕ ял» ята Васан ялне пама йышăннă. Пуянкасси ялĕ – иккĕмĕш, Карапай Шăмăршă ялĕ – виççĕмĕш вырăнта. «Чи лайăх урам» ята Палтиелĕнчи Колхозная урам тивĕçнĕ.
Çĕнтерÿçĕсене пурне те районти Акатуйра чыслĕç.