01 июля 2009 г.
ЯЛТА çав тери хĕрÿ вăхăт – утăçи пырать. Хальлĕхе хуçалăхсенче 3000 гектара яхăн лаптăк çинчи нумай çул ÿсекен курăксене çулнă, 800 тонна ытла утă тата 500 тонна ытла сенаж хатĕрленĕ. Утăçи «Исток», «Агродор» ОООсенче, «Карлинская» Агрофирма» тата «Мир» ЗАОсенче уйрăмах лайăх пырать.
Фермер хуçалăхĕсемпе уйрăм хуçалăхсем те васкасах выльăх апачĕ хатĕрлеççĕ. «Утă ытларах пулсан хĕлле выльăх та тутă пулĕ», - теççĕ вĕсем.
Хуçалăхсенче тĕштырăсемпе пăрçа йышши культурăсене гербицидсемпе пĕрĕхсе тухнă, халĕ чĕкĕнтĕрпе çĕр улми уйĕсенче ĕçлеççĕ.