04 июля 2009 г.
ИРТНĔ эрне вĕçĕнче Шупашкарта, оперăпа балет театрĕнче республикăри çамрăк çемье клубĕсен фестивалĕ пулса иртнĕ, унта районсенчи «Çамрăк çемье» конкурс çĕнтерÿçисем хутшăннă. «Чи лайăх социаллă видеролик» номинацире Карапай Шăмăршăри Лаврентьевсен çемйи палăрнă.
Сергейпе Наташа икĕ ача çитĕнтереççĕ, çамрăк çемье спортра та, обществăлла ĕçсенче те хастар. Хăйсен çемйи çинчен Наташа питĕ илемлĕ фильм ÿкернĕ, жюри членĕсем ăна пысăк хак панă.