11 июля 2009 г.
- КĂÇАЛХИ пĕрремĕш çур çулта районти предприятисем 6342 пин тенкĕлĕх е пĕлтĕрхи çак вăхăтринчен 41 процент нумайрах продукци туса кăларнă.
- РАЙОНТИ килти хушма хуçалăхсем ултă уйăхра 3140 тонна (108,8 проц.) аш, 15005 тонна (102 проц.) сĕт туса илнĕ.
- ÇУР ÇУЛ хушшинче финанссен мĕн пур çăл куçĕсенчен строительство ĕçĕсем валли 148,03 миллион тенкĕ, çав шутра районти тĕп больницăн хирурги уйрăмне реконструкцилеме 50,367 миллион тенкĕ уйăрнă. 2008 çулхи çак вăхăтрипе танлаштарсан, строительство ĕçĕсенчи ÿсĕм 145,8 процент шутланать.
- РАЙОНТИ ĕçпе тивĕçтерекен центр пĕлтернĕ тăрăх, 2009 çулхи июлĕн 1-мĕшĕ тĕлне ĕçсĕррисен йышĕнче 170 çын тăнă. Отчетлă тапхăрта 577 çынна, çав шутра çул çитмен 225 çамрăка ĕçе вырнаçтарнă.
- ЯНВАРЬ-МАЙ уйăхĕсенче районта уйăхри вăтам ĕç укçи 7611,7 тенкĕпе танлашнă, çакă 2008 çулхинчен 109,2 процент пысăкрах.